As bicicletas se podrán rechistrar en Zaragoza dende febrero

Ye a ciudat esleixida ta una experiencia piloto. Dimpués s'implantaría en tot l'estau

Ciclista por o puent d'o tercer milenio (Foto: Zaragoza Turismo)

Ciclista por o puent d'o tercer milenio (Foto: Zaragoza Turismo)

Dende o 1 de febrero, as bicicletas podrán estar rechistradas en a ciudat de Zaragoza, estando a primer ciudat de l’estau a on que se prencipie a fer o que será o ‘Registro Nacional de Bicicletas’. Ista ciudat servirá d’experiencia piloto ta dimpués levar iste rechistro en tot l’estau. O rechistro será voluntario y entre atros obchetivos mira de que no bi haiga tantos furtos y de que se pueda prebar a propiedat d’as bicicletas en ixe caso.

O rechistro caldrá fer-lo en una pachina web, que se anunciará a escape habendo de plenar un formulario con bells datos y una foto d’a bici. Tamién habrá de validar-se personalment en La Ciudad de las Bicis (C / Predicadors, 51). Se habrá d’ir-ie con a bicicleta ta que le metan un apegallo indeleble que acredite o rechistro.

Os cient primers usuarios d’iste rechistro podrán fer-lo de baldes. Dimpués tendrá un pre de cinco euros. O sistema ye coordinau por o Rete de ciudatz por a bicicleta y conta con a colaboración d’a DGT.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.