As bieras artesanas se troban en “Birragoza”

Mientres dos diyas se podrán tastar bieras artesanas en o Centro de historias de Zaragoza

cartelO viernes prencipiará en Zaragoza “Birragoza”, o I festival de bieras artesanas d’a ciudat. Mientres os dos diyas que durará o festival, quince productors de bieras amostrarán as suyas variedatz. Antimás se ferán arrienda actividatz arredol d’o mundo d’a biera.

A interpresa Lupulus y a revista Gastro organizan iste evento que se ferá en o Centro de historias de Zaragoza, viernes y sabado, de 12:00 a 23:00. Seguntes a organización, Birragoza será “una oportunidat unica t’os amants d’iste mundo (o d’as bieras artesanas) como ta qui encara no lo conoix”, a on que podrán trobar “una diversidat d’estilos, ulors y sabors, y una biera de tot diferent”.

O funcionamiento ye simple. Cal mercar o vaso y a guida de l’evento por 5 euros y contino, tastar as bieras por un pre de 1,5 euros lo vaso. Antimás tamién se ferán atras actividatz como monologos, charradas u mesmo un taller ta poder fer-se biera de traza artesanal en cada d’uno.

En iste evento serán presents as tres bieras artesanals que se fan agora mesmo en Aragón: Ibón, Gisberga y Populus, acompanyadas de muitas atras venidas de toda Europa. Tamién se i podrán minchar salchichas ta pasar a biera.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.