As carreras de Binefar esdevedrán en un scenario de teatro en movimiento

D'o 3 t'o 9 de chunio se celebra o festival Imaginaria, centrau en os titeres y o teatro tradicional

Presentación de l'evento (Foto: D.Ch.A.)

Presentación de l’evento (Foto: D.Ch.A.)

“Una apuesta por o fomento d’as artes scenicas y o desembolique d’a cultura local. Asinas se presienta o festival IMAGINARIA que se ferá en Binefar (A Litera) dende o 3 dica o 9 de chunio. O festival ye organizau por o Concello de Binefar, de conchunta con os Titiriteros de Binefar, que s’encargan d’a dirección artistica; y t’a interpresa Territorio Chestión Cultural, que s’encarga d’a producción.

O programa, de gran ran artistico y endrezau ta totz os publicos, ye composau por una ampla variedat d’actividatz. Tallers, exposicions, funcions ta escolars u cine a l’aire libre, ferán d’as carreras de Binefar o scenario d’o teatro en movimiento.

O festival naix querendo esdevenir una trobada de referencia a ran estatal. Asinas, Imaginaría iría entre dos grans eixes, o teatro de titeres y as actividatz complementarias, todas ellas endrezadas t’amostrar d’una traza ampla la evolución d’o teatro de titeres y imachens en movimiento. Ta saber más información s’ha ubierto a pachina web www.festivalimaginaria.es.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.