As Chuntas de Personal Docent se concentran contra as retalladas

A primavera pareix que será una estación rusient cuanto a los afers educativos

Imachen d'as concentracions (Foto: Arainfo)

Imachen d'as concentracions (Foto: Arainfo)

As chuntas de personal docent d’as tres provincias s’han concentrau hue debant d’os suyos Servicios Provincials ta protestar contra as retalladas educativas en Aragón.

Aprofeitando que hue se feban plens en as tres provincias, os delegaus sindicals d’amostranza s’han concentrau ta amostrar o suyo refús y malestar contra unas midas que van contra a calidat de l’amostranza.

As concentracions previstas ta hue se han visto modificadas en Uesca y Zaragoza por dos feitos. D’una man, as ordens dadas t’os centros por o Director Provincial de Uesca ta fer computar como falta d’asostencia laboral o diya d’a participación en a Vada, lo que ha feito que a Chunta demandase a suya dimisión. D’atra man, a convocatoria en o zaguer inte, d’una Mesa Sectorial ta hue a las 12:00, coincidindo con a concentración de Zaragoza, ha feito que los y las delegadas d’a Chunta de Personal de Zaragoza haigan celebrau o suyo Plen en o mel meyo d’a carrera, debant de l’edificio Pignatelli. Contino se fació a concentración, con una graniza presencia d’a policía.

En a Mesa Sectorial, a Consellera ha ratificau as retalladas ya anunciadas por ella en a prensa y s’ha trobau en frent una unidat sindical que le ha desichiu que no aplicasen ixas retalladas y l’ha remerau d’atra man a ilegalidat d’aplicar midas sin pasar por a negociación y la incherencia en as competencias d’Aragón por a implantación denden o Ministerio d’Educación d’a mida de l’horario lectivo d’o sector docent.

Fuent: http://arainfo.org/2012/04/las-juntas-de-personal-docente-se-concentran-contra-los-recortes/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.