As Cortz d’Aragón instan a reubrir o Canfranc y empentar o cercanías

En dos proposicions no de lei, se reclama a o gubierno d'Aragón que empente o cercanías y dé os trangos que calgan ta reubrir o paso de Canfranc.

As Cortz d’Aragón han aprebau dos proposicions no de lei en as que s’insta a o gubierno aragonés tanto a reubrir o paso ferroviario internacional de Canfranc como a empentar o servicio de cercanías en Zaragoza.

En a primer proposición, presentada por Izquierda Unida (IU), exiche a o gubierno aragonés a aportar “l’esfuerzo economico y humano que cal” ta cumplir un acuerdo sinyau por totz os grupos parlamentarios iste 16 de marzo clamau “Ahora el Canfranc” y proposau por CREFCO. Miguel Aso, de IU, ha afirmau, que a Travesía Central d’os Pirineus (TCP), puede solucionar qualcosa a largo plazo, “talment en 2030, 2040 u 2050”, mientres que o Canfranc puede fer-lo en tres anyos como muito. PSOE, PAR y CHA han refirmau a iniciativa demandando renovar a linia ferroviaria Uesca-Canfranc con partidas presupuestarias dende o gubierno espanyol y a dentrada en servicio en 2015 con aduyas europeas. O diputau d’o PP Javier Campoy ha afirmau que no pueden dedicar-ie mas cantidat de presupuesto, pero clamando a ir totz en a mesma dirección.

Tamién, en un segundo punto, s’ha acordau esfender a millora d’as comunicacions ferroviarias entre Zaragoza y a resta d’Aragón, ixamplando servicios y horarios.

En atra proposición no de lei, ista vegada presentada por Chunta Aragonesista (CHA), s’ha aprebau demandar a o gubierno aragonés a consolidación y ixample d’o servicio de cercanías d’a capital aragonesa a traviés d’a integración d’os pres con bus y tramvía. O Departamento d’Obras Publicas s’une a o convenio sinyau entre o Ministerio de Fomento espanyol y o Concello de Zaragoza, demandando un servicio sostenible y con plegada en Plaza. S’aspera consiguir paradas de cercanías en Gallur, Caspe, Uesca, Carinyena, L’Almunia, Sarinyena y Monzón, encara que será a medio plazo.

Una rispuesta a As Cortz d’Aragón instan a reubrir o Canfranc y empentar o cercanías

  1. Ya lo hi creigo. Sobre tot dan la que é cayent…

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.