As Cortz d’Aragón, pioneras con a creyación d’una Comisión sobre a violencia masclista.

L'aragonés ye o primer parlamento de l'estau en creyar una comisión d'istas caracteristicas

Daniel Sanchez

Alchafaria (Siede d'as Cortz)Alchafaria (Siede d'as Cortz)

Alchafaria (Siede d’as Cortz)

En iste 2.016 14 mullers e un bebé son muertos, o drama d’a violencia masclista ha empentau a totz os grupos parlamentarios a votar per unanimidat a propuesta d´o Grupo Mixto (CHA e IU), pa creyar una Comisión sobre violencia masclista. De ista traza as Cortz d’Aragón son convertidas en pioneras, en estar as primeras en tot l’Estau espanyol en creyar un organismo con istas características.
A comisión ha de fer que a violencia masclista siga una qüestión d’Estau, fer una lei autonomica en a materia, estudiar as politicas que cal fer e os recursos necesarios pa rematar con ista mena de violencia, etcetra.
A Comisión será compuesta a lo menos, per dos representants de cada grupo parlamentario y será ubierta a la participación d’expertos de l’ambito d´a chudicatura, educación, servicios socials, movimiento feminista, etcetra. Iste organismo tendrá un plazo maximo de 12 meses pa rematar os suyos treballos, con l’obchectivo de tener un dictamen e un plan de treballo aprebau en ixe plazo.

Un advogau o advogada d’as Cortz aragonesas aduyará a la Comisión y podrá demandar a realización de treballos u informes tecnicos, lo mesmo que a comparecencia de chent experta, asociacions u atra mena d´entidatz que treballen a materia d’a violencia masclista.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.