As Cortz d’Aragón publicarán os biens patrimonials d’os diputaus

Marcha ta zaga d'a ponencia que treballa en a reforma d'o reglamento d'a camara, por o que se permitirá a publicación d'os biens patrimonials de diputaus y diputadas

mesa cortz

Foto: www.cortesaragon.es

Finalment, a ponencia que ye reformando o reglamento d’as Cortz d’Aragón ha decidiu de permitir a publicación d’os biens patrimonials d’os diputaus y diputadas d’a camara por unanimidat, pero “en os terminos que fixe o reglamento mientres a suya tramitación”.

O mecanismo a fer servir será o mesmo que s’emplega en o Congreso d’os Diputaus espanyol, u siga, se podrán conoixer os biens pero no a suya ubicación, ni tampoco as matriclas d’os autos, por seguridat. O texto encara habrá de pasar a fase d’esmiendas parlamentarias d’as esferents collas antes d’estar aprebau.

L’1 de marzo se publicarán a declaración d’intreses y os ingresos parlamentarios en a pachina web d’as Cortz, y o 23 d’abril se ferá o mesmo con os biens patrimonials quan o nuevo reglamento entre en vigor, siempre y quan no se modifique. Os miembros d’o Gubierno d’Aragón habrán de presentar a declaración d’o suyo patrimonio, d’os suyos biens y de qualsiquier actividat que les dé ingresos. Manimenos ista declaración d’os miembros d’o gubierno no será publica.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.