As FARC liberan os zaguers diez militars y policias que teneba secuestraus

Yeran en mans d'a guerrilla colombiana dende feba catorce anyadas.

Guerrillers d'as FARC (Foto: Wikipedia)
Guerrillers d’as FARC (Foto: Wikipedia)

A guerrilla d’as Fuerzas Armadas Revolucionarias de Colombia (FARC) ha liberau a la fin diez militars y policias que secuestroron entre 1998 y 1999. Os liberaus ya son plegaus en a base militar de Catam, en Bogotá, acompanyaus d’as familias suyas, y agora s’habrán de fer una revisión media ta comprebar o suyo estau de salut. Os seis policias y os quatre militars son plegaus en Bogotá procedents de l’aeropuerto de Vanguardia, en Villavicencio, a on que a guerrila les heba levau dende as mugas entre os departamentos de Meta y Guaviare.

Os liberaus son os policias Carlos José Duarte, César Augusto Lasso Monsalve, Jorge Trujillo Solarte, Jorge Humberto Romero, José Libardo Forero i Wilson Rojas Medina, y os militars Luis Alfonso Beltrán Franco, Luis Arturo Arcia, Robinson Salcedo Guarín i Luis Alfredo Moreno Chagüeza , totz secuestraus entre 1998 y 1999.

As FARC han liberau os zaguers miembros d’as fuerzas de seguridat que teneban en o suyo poder y s’han compromeso a no secuestrar-ne más, en un cenyo de buena voluntat con o gubierno colombiano ta reprener o dialogo.

O president colombiano, Juan Manuel Santos, ha reconoixiu ‘o trango important’ d’as FARC y ha valorau positivament o compromís d’a guerrilla de no tornar a secuestrar. Pero ha avisau que a liberación d’os diez militar y policias ‘no ye prou’ y que cal liberar de camín tamién a os civil que tienen en o suyo poder. Seguntes a Funcación País Libre, en son bells quatrocientos, pero la Fundación Nueva Esperanza puya a cifra dica sietecientos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.