As FARC y o gubierno de Colombia prencipian a charrar ent’a paz

As FARC levan operando dende 1964. O proceso de paz podría prencipiar iste octobre

Guerrillers d'as FARC (Foto: Wikipedia)

Guerrillers d’as FARC (Foto: Wikipedia)

Juan Manuel Santos, president de Colombia, ha feito publico que o gubierno d’o país ha prencipiau un proceso de dialogo con a guerrilla d’as FARC, ta prebar de plegar en una paz. En o comunicau alazetaba o proceso en tres puntos: “aprender d’o pasau ta no repetir as errors, que qualsiquier proceso ha de levar ent’a fin d’o conflicto, no pas ent’a prolargar-lo y que continarán as operacions y presencia militar en tot lo territorio nacional colombiano.” Os gubiernos de Noruega, Cuba y Venezuela s’han ufierto ta meyar en o conflicto. Oslo y La Habana, de feito podrían estar os scenarios d’as negociacions. Entre atros puntos,s e i charraría d’a reinserción d’os guerrillers, l’aturada d’as enrestidas, a dentrega d’as armas y a posibilidat de participar en a politica institucional.En as dos zaguers anyadas as dos partis han feito trangos ent’a negociación. De man d’o gubierno se apreboron a Lei de Victimas y Restitución de tierras y o Marco Churidico t’a Paz. As FARC, d’atra man anuncioron que no bi habría más secuestros y liberó a los zaguers 10 policias militars que teneba en as suyas mans.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.