As fiestas de Parque Goya rematarán con una gran foto d’os vecins

O vico ye vivindo as fiestas más largas d'a suya historia, con dotce diyas d'actividatz programadas.

Pasavillas en as Fiestas de Parque Goya (Foto: A.VV. Parque Goya)

Pasavillas en as Fiestas de Parque Goya (Foto: A.VV. Parque Goya)

Iste cabo de semana plega la fin d’as Fiestas d’o vico zaragoza de Parque Goya, las que son estadas por agora as más largas d’a suya historia, con dotze diyas continos de fiesta y más de 65 actos programaus.

O viernes, a las 18:30 ferán un acto a on que quieren arroclar a gran numer de vecins ta fer una “gran foto vecinal” con o lema I LOVE PG, que han feito servir en chambretas y alzaclaus mientres as fuestas. O lema se representará con unas letras chigants y arrienda vecins arredol con as debantditas chambretas, en a Plaza Poesía.

Con iste lema, “queremos deixar esclatero que somos argüellosos d’o vico nuestro y d’o movimiento vecinal que ha feito posible que salisen entabant ista anyada dos prochectos importants, la BiVe Parque Goya, la Biblioteca d’os Vecins y o Circuito BMX Goya, gracias a o treballo d’os vecins”, sinyalan dende a organización. “Con a mesma rasmia que hemos teniu ta tirar entabant con istos prochectos, imos a continar treballando ta reivindicar os equipamientos que encara nos mancan en o vico, más que más cultural: centro civico, centro de tiempo libre y casa d’a chovenalla”, adhiben.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.