As grabacions de Alan Lomax se dichitalizan ta consultar online

Alan Lomax grabó en Aragón os mayos d'Albarracín, as mudanzas de Yebra, jotas, u boleros

Foto d'un tocador de chicotén feita por Alan Lomax

Foto d'un tocador de chicotén feita por Alan Lomax

En o diya d’o que hese estau o suyo 97 cabo d’anyo, s’ha conoixiu que totas as grabacions feitas por Alan Lomax en a suya vida son fendo-se dichitals y en no guaire tiempo, se podran ascuitar online. O musicologo Alan Lomax grabó más de 5000 horas de mosicas populars de tot o mundo, que dende fa tiempo pueden sentir-se en chicotz clips en Cultural Equity, pero a partir de cabo febrero tota a suya obra de recopilación podra sentir-se en The Alan Lomax Collection.

A importancia d’Alan Lomax ta o folklore aragonés se puede trobar en o libro disco “Aragón visto por Alan Lomax“. En un viache ta Mallorca, Lomax conoixió a José Iranzo (o pastor d’Andorra) y d’a suya man venió t’o país a conoixer a mosica tradicional d’ixos anyos 50. A jota, pero no nomás que a jota, que también o chicotén de Yebra, os Mayos d’Albarracín, os boleros… Fruito d’ixo, y dentro d’a coleccion que adedicó ta Espanya, estió Aragón y Valencia: The Spanish Recordings.

A pasión de Lomax por a mosica y a danza popular le levó a documentar bailes y cantas de tot o mundo, de totas as culturas, a las que podió plegar-ie. Horas de grabacions, centenars de fotos, muitos minutos de grabación en cine, que documentan a mosica d’a humanidat gracias a lo suyo triballo. Dende febrero más de 17000 streamings de mosica popular de tot o mundo estarán disposables online.

Fuent: http://www.nytimes.com/2012/01/31/arts/music/the-alan-lomax-collection-from-the-american-folklife-center.html?_r=1&pagewanted=all&src=ISMR_AP_LO_MST_FB

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.