As grans interpresas de ropa, en o punto de gollada dimpués d’o desastre de Bangladesh

Bellas fabricas de l'edificio espaldau suministraban productos a Mango, Primark y Benetton, seguntes Reuters. Ya i hai mas de docientos muertos

desastre bangladeshL’esboldregue d’un edificio en Daca, capital de Bangladesh, ha meso en o punto de gollada a las grans interpresas de ropa y as condicions de treballo d’os treballadors d’a industria textil en o país, a on os baixos gastos de producción a costa d’as condicions laborals atrahien cada vegada mas l’intrés d’interpresas norteamericanas y europeas.

Mas de docientas personas han muerto, a mayoría mullers treballaderas, y mas d’un millar han quedau feridas a resultas de l’incendio y esboldregue, o miercols, d’un edificio de ueito plantas a on i heba fabricas textils destinadas a o mercau occidental y un centro comercial. A cifra de muertos puede aumentar porque encara i hai muita chent atrapada entre os escombros.

Dos d’as fabricas textils de l’edificio, New Wave Style y New Wave Bottom, han suministrado productos baratos a companyías como a catalana Mango, a britanica Primark y a italiana Benetton, seguntes Reuters. Mango y Benetton han negau que os suyos proveyedors de Bangladesh tenesen relación con o siniestro, pero Reuters ha trobau entre os escombros de l’edificio documentos con ordens de compra con los nombres d’istas interpresas.

Amás, hue s’ha sabiu que os amos de l’edificio no heban feito caso a las autoridatz, que heban recomendau de zarrar y privar que os treballadors dentrasen en l’edificio ya que o martes s’heban trobau bellas crepas. ‘No querebanos dentrar-ie, pero os chefes nos obligoron’, diz un d’os treballadors ferius, Nurul Islam, en declaracions a Bdnews24 .

O pasau mes de noviembre, un desastre similar en un suburbio industrial de Daca, a on se fabricaban piezas ta minoristas europeus como El Corte Inglés u C&A, causó un centenar de muertos.

Fuent: http://www.vilaweb.cat/noticia/4109059/20130425/grans-empreses-roba-punt-mira-desastre-bangladeix.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.