As inchenierías celebran Sant Pepe en o Parque d’Atraccions

As dentradas son quasi acotoladas

Trokobloco ye una d'as collas que bi tanyerá (Foto: Trokobloco)
Trokobloco ye una d’as collas que bi tanyerá (Foto: Trokobloco)

L’alumnalla de as carreras universitarias d’Incheniería celebran iste viernes a fiesta de Sant Pepe, patrón d’incheniers, en o Parque d’Atraccions de Zaragoza. Dende fa diyas se pueden mercar as dentradas que son en momentos d’acotolar-se.

A las once d’o maitín o Parque d’atraccions ubrirá as suyas puertas y meya hora dimpués prencipiarán os torneus de guinyote, mus, futbolín y poker. Dimpués d’una chenta con paella se ferán as finals d’os torneus y a dentrega de premios. As actuacions plegarán de tardes con un pasavillas de ‘Trokobloco’ y un concierto de ‘Los Gandules’ y ‘Las gafas de Mike’.

Una discomovil meterá mosica a la borina dica as dos d’o maitin, hora que trancarán as puertas d’o Parque. S’aspera que i vaigan bellas 7000 personas.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.