As islas Malvinas apreban fer un referendum en marzo de 2013 sobre a suya soberanía

O territorio britanico ye reclamau por Archentina

Mural reivindicando l'archentinidat d'as islas (Foto: Magical world)

Mural reivindicando l’archentinidat d’as islas (Foto: Magical world)

O consello executivo d’as Islas Malvinas ha aprebau convocar un referendum en marzo de 2013 sobre a soberanía de l’archipielago, ta ‘resolver a qüestion de l’estatus politico’. A comisión electoral d’o Reino Uniu, seguntes o consello, aduyará en o desembolique y en a traza que prenerá la pregunta que se someterá a consultar. ‘O voto s’ha planeyau ta marzo de 2013y o diya exacto, lo determinará o chefe de l’executivo, Keit Padgett, consultando con os miembros de l’asambleya lechislativa’, explica en un comunicau o consello. A intención, diz Padgett. ‘ye inviar un mensache t’a comunidat internacional’.

En o referendum, podrán participar-ie os habitadors mayors de deciueito anyadas que vivan legalment en as islas. ‘En que se verifiquen os votos, as papeletas de todas as circunscripcion se barracharán y o resultau s’anunciará como un voto de toda la isla’, detalla la nota.

Archentina reclama a lo Reino Uniu a soberania d’as islas Malvinas, anexionadas en 1833. En 1982, os dos países prencipioron una guerra por l’archipielago que remató con a muertes de 649 militars archentinos, 255 britanicos y tres civils.

 

Fuent: http://www.vilaweb.cat/noticia/4037319/20120902/illes-malvines-aproven-referendum-marc-2013-sobirania.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.