As linias aereas d’Hongría tamién trancan

Málev heba estau obligada a retornar as aduyas de l'estau, a menaza que pesaba tamién sobre Spanair.

Avión de l'aerolinia hongara (Foto: Dean Morley)

Seguntes publica hué o diario catalán Vilaweb, Hongria s’ha quedau sin a suya companyía d’aviación. Malév ha ordenau hué que totz os avións remanen en tierra y ha deixau d’operar. A causa ye a delicada situación financiera que s’ha agraviau con a demanda d’os proveidors ta cobrar deudas recients. Málev acusa a la Unión Europeya d’haber provocau o suyo tranque en obligar-la a retornar 350 millóns d’euros que heba recibiu de l’estau.

A menaza de que una cosa parellana podese pasar con Spanair estió alacetal ta que Qatar Airwayst decidise no invertir en a interpresa catalana.

Dos avións de Malév que son difuera d’Hongría, en Israel y en Irlanda, no podrán tornar a o país porque as autoridatz chudicials os quieren retener t’o pago de quantas deudas. Malév tien tres mil treballadors y l’estau hongaro ye o propietario d’o 95 por cient d’as aicións.

Fuent: http://www.vilaweb.cat/noticia/3979751/20120203/linies-aeries-dhongria-tanquen.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.