As luengas minorizadas de l’Estau francés demandan “asilo cultural” en a UNESCO

Representants d'as comunidatz lingüisticas minorizatas han denunciau simbolicament l'incumplimiento d'a promesa de François Hollande de sinyar a Carta Europea

Acto en esfensa d'as luengas (Foto: Jornalet)

Acto en esfensa d’as luengas (Foto: Jornalet)

Representants d’as asociacions en esfensa d’as luengas mal clamadas rechionals, adintro de l’estau francés, fuoron iste miercols debant d’a siede d’a UNESCO en París ta demandar simbolicament “l’asilo cultural” en ixa institución d’a ONU. Estió una respuesta a l’actitut d’o gubierno socialista de Fraçois Hollande, qui en campanya prometió que sinyaría la Carta Europea d’as Luengas Rechionals y Minorizatas, pero que agora no amostra intención de fer-lo.

Lo colectivo d’o 31 de Marzo, chunta arrienda organizacions y asociacions de tot l’estau francés, con una fuerte presencia occitana. Aintro, i son l’Instituto d’Estudios Occitanos (IEO),  lo Felibritge u a Federacion de Docents d’a Luenga y Cultura d’Òc (FÈLCO), entre muitos atros. I son ius coordinaus por o Rete d’a Igualdat Lingüistica Europea (European Language Equality Network , ELEN). Han demandau formalment a l’achencia d’a ONU encargada d’a cultura, l’educación y lo multilingüismo que protecha as suyas luengas d’a “discriminación sistematica que reciben de l’Estau francés”.

En l’acto, cada luenga representada levaba “una delegación compuesta por un miembro d’a sociedat civil y un parlamentario u un esleixiu”, y debant d’a siede d’a UNESCO, s’ha leyiu o texto oficial d’a demanda de asilo cultural. O ELEN ha demandau tamién una reunión con a dirección de l’organismo internacional.

As asociacions chustifican ista mida porque, a tamás d’as promesas socialista mientres a campanya presidencial, os zaguers meses “os fablants d’as luengas rechionals han comprebau una serie de decisions gubernamentals desfavorables a la suya transmisión y emplego en a vida cutiana. Por eixemplo, a Lei de Reforma d’a Escuela, presentada por o ministro d’Educación, Vincent Peillon, y que se debate en istos diyas, s’empacha en tot inte de charrar d’ista qüestion.

Fuent: http://www.jornalet.com/nova/1818/las-lengas-minorizadas-de-lestat-frances-an-demandat-lasil-cultural-a-lunesco

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.