As Malvinas decidirán en referendum o suyo vinclo con o Reino Uniu

Londra diz que acceptará o resultau. Archentina no se manifiesta oficialment

Imachen d'uns pingüins en as Islas Malvinas (Foto: Stan Shebs)

Imachen d'uns pingüins en as Islas Malvinas (Foto: Stan Shebs)

Os ciudadans d’as Islas Malvinas ferán l’anyada venient un referendum ta decidir si quieren continar baixo dominio britanico u quieren pasar a estar-se parti d’Archentina. Iste referendum ye una prebatina ta mirar de resolver o conflicto sobre a soberanía d’iste archipielago atlantico que concara a Londra y Buenos Aires dende fa decadas.

O president de l’Asambleya lechislativa d’as Malvinas, Gavin Short, dimpués d’anunciar o referendum en un comunicau, aseguró que a intención yera contrimostrar que a chent quereba continar estando parti d’a corona britanica: ‘Feremos o referendum, no porque tiengamos garra mena de dubda sobre qui somos ni que futur queremos, sino ta contrimostrar a lo mundo que’n somos seguros’. Un referendum que se ferá en 2013, encara que no se sabe a calendata precisa.

O gubierno de Cristina Fernández de Kirchner no s’ha manifestau oficialment sobre o referendum t’aturar a reclamación archentina d’a soberanía sobre as Malvinas. Manimenos, o gubierno britanico ya ha dito que respetaría o resultau d’o referendum.

Fuent: http://www.vilaweb.cat/noticia/4019738/20120613/malvines-decidiran-referendum-vincle-regne-unit.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.