As movilizacions d’os treballadors d’AUZSA no prencipiarán dica octubre

Continarán, manimenos, as concentracions y asambleyas reivindicando os suyos dreitos laborals

Foto: AraInfo

Foto: AraInfo

As aturadas parcials que os treballadors d’AUZSA heban anunciau que ferían dende setiembre, prencipiarían, si calese, en o mes d’octubre. Asinas lo ha aprebau por unanimidat o comité d’interpresa en una reunión ordinaria, a on que tamién han decidiu continar con os contactos con partius politicos y organizacions socials y sindicals.

Con tot y con ixo, se continará con concentracions y movilizacions. O 27 d’agosto y os diyas 11 y 25 de setiembre bi habrá concentracions y continarán as asambleyas. Todas istas midas preban de solucionar o conflicto con a interpresa y o concello sin haber de deixar de treballar.

Os treballadors continan acusando a AUZSA de “incumplir o convenio y os pliegos de condicions d’a contrata“. Tamién le exichen rematar con as horas extras en AUZAS, guarenciar o dreito de poder alzar as fiestas laborables treballadas y no disfrutadas y a recolocación d’os treballadors forachitaus en o ERE”, antiparte d’atras midas de igualdat y conciliación d’a vida laboral y familiar.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.