As ‘mullers d’o carbón’ marchan ta Madrit pa exichir solucions pa las cuencas mineras

Maitín 13 de chulio as "Mullers d'o carbón" serán en Madrit pa demandar solucions a la grau situación que atraviesan as cuencas mineras

mineraO colectivo Mullers d’o Carbón d’as cuencas d’Aragón, Lión y Asturias realizarán o venient 13 de chulio una chornada de protestas en Madrit en homenache a os miners que remanioron en luita o pasau verano y en coincidencia con l’arribada d’a tercera marcha negra en a capital.

Amás de recordar a os miners que protagonizoron a III Marcha Negra, as mullers d’o carbón tamién quieren expresar asinas que “o problema d’o carbón luen d’haber trobau una solución s’ha agraviau en iste zaguer anyo”, sinyalan.

A chornada constará de tres etapas, a primera d’as qualas será una marcha a piet de 15 kilometros entre Rivas Vaciamadrid y o Vico de Vallecas, seguntes ha informau o colectivo en un comunicau.

En iste distrito se realizarán distintas actividatz chunto a la resta de colectivos adherius a la convocatoria. A marcha finalizará con una manifestación entre Vallecas y a Puerta d’o Sol.

“Convocamos a o pueblo, convocamos a la clase obrera d’iste país a que s’unan a nusatras en iste largo camín que ye a defensa d’os nuestros dreitos mas basicos. Dreitos que en os zaguers tiempos nos han estau arrebataus. Ya no nos fan honra as parolas ni as promesas, buscamos feitos y mas que mas solucions“, afirman.

Fuent: http://elventano.blogspot.com.es/2013/07/las-mujeres-del-carbon-marchan-madrid.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.