As ONG de desembolique protestan debant d’as politicas de cooperación d’a D.Ch.A.

A cooperación recibe un 70% menos d'aduyas que en l'anyada pasada

fasAs mugas d’a convocatoria de sibvencions pueden suposar zarrar procesos de desembolique que se refirmaban dende ONGD aragonesas, seguntes denuncia a Federación Aragonesa de Solidaridat (FAS).

A D.Ch. A. ha feito publica a convocatoria de subvencions ta cooperación a o desembolique con un 70 % menos de presupuesto en que l’anyada 2011. Antimás estableix nuevas condicions a os prochectos y a la cantidat economica que se puet subvencionar en cadagún, lo que, seguntes FAS, mete en periglo a viabilidat d’os prochectos de cooperación.

A Federación diz que “a cooperación d’o Gubierno d’Aragón ye entre as más afectadas por as retalladas” y se sorprenden porque “a partida presupuestaria de cooperación d’o Concello de Zaragoza ye más gran que no a d’a D.Ch.A. quan o presupuesto anyal ye muito inferior”.

FAS acusa a lo gubierno de prener una decisión politica dillá de que calese u no achustar os gastos a los ingresos. Manimenos -dicen- isto contrasta con a solidaridat d’os ciudadans aragoneses. Os datos que fan servir charran de más de 180.000 socios u donants nomás en as ONGs que fan parti d’a Federación Aragonesa de Solidaridat y bi ha más de 15.000 voluntarios en ista mena d’entidatz.

Ta rematar, FAS, opina que “los feitos confirman que china chana somos viyendo como s’esfa a politica publica de redistribución d’a riqueza. A cooperación a o desembolique ye un d’os mecanismos de solidaridat que gubiernos como lo d’Aragón son estricallando de feito”.

 

Fuent: http://arainfo.org/2012/08/las-ong-de-desarrollo-protestan-ante-la-politica-de-cooperacion-al-desarrollo-del-gobierno-de-aragon/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.