As piscinas de Teruel prencipiarán a ubrir o 14 de chunio

Se torna a ubrir a piscina de Fuent Zarrada, que no lo fació en 2012.

RP piscinasO Concello de Teruel reubrirá a piscina deFuent Zarrada dimpués de estar-se zarrada t’o publico en l’anyada pasada “por motivos presupuestarios”. As suyas puertas s’ubrirán o 1 de chulio y continarán asinas dica o 1 de setiembre de lunes a viernes en horario de 15 a 20 y sabados domingo y festivos de 11 a 20.

A resta de piscinas Sant Fernando, Los Planos y Sant León ubrirán bells diyas antis, o 14 de chunio, en horario de 11 a 20. O concello ha sinyalau “o gran poder economico” que se ye fendo en ubrir as quatre piscinas municipals. Cuanto a la zaguer anyada que Fuent Zarrada s’ubrió, s’ha cambiau l’horario cabidando, seguntes o concello 9.000 euros.

Seguntes explicó lo conceller d’Esportes, Javier Domingo: “una vegada más hemos contrimostrau que se puet fer más con menos, amillorando a chestión, estudiando as cifras y analisando a demanda d’os usuarios”. “Ya sabemos que totz queremos tener todas las piscinas ubiertas, por lo que d’entre totz tenemos que mantener-las, asinas que animo a totz os teruelanos a que faigan servir iste estiu as piscinas, y asperemos que l’orache nos acompanye”, adhibiba.

Os pres d’as dentradas de diya continarán igual como l’anyada pasada entre que os bonos de banyos y temporada se puyoron en a fin de 2012. As familias tendrán un 20% de botifuera a partir d’o segundo miembro. Os usuarios que tiengan abono de temporada en a piscinas climatizada tendrán tamién un 10% de botifuera en l’abono de temporada d’as piscinas d’estiu.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.