As piscinas de Zaragoza ubren as puertas t’a temporada de verano

Ubren una semana menos que no l'anyada pasada

cartelIste sabado ubren as suyas puertas as piscinas de Zaragoza y d’os suyos vicos rirals. L’horario d’os 22 Centros Esportivos Municipals será de 11:00 a 21:00. Mientres tot lo verano se ferán actividatz endrezadas ta toda mena de chent, dende os más chiquetz dica os mayors, como os cursos de natación u de chimnasia en l’augua ta mayors.

Ista anyada s’han amilloraru bells equipamientos y elementos tecnicos. S’ha enamplau a zona a o canto d’a piscina de ninos d’o C.E.M Ciudat Chardín, s’han apanyau as plachas d’a piscina d’o C.E.M. Delicias y s’han esviellau os bars d’os CEM’s Alberto Maestro y Santa Isabel.

D’as 22 piscinas, ueito son en os vicos rurals y 14 en a ciudat de Zaragoza, pertocando una piscina publica basica por cada 8.531 habitadors. Ista anyada as piscinas remanirán ubiertas un total de 86 diyas retallando os 93 que estioron ubiertas l’anyada pasada. Tamién ubren meya hora más tardi.

A dentrada t’as piscinas costará 3,50 os diyas de cada diya y 4,20 os cabos de semana y festivos. S’han establiu botifueras ta chovens, pensionistas, familias numerosas u por ran de renta. Istas botifueras no s’aplicarán a los no empadronaus en Zaragoza.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.