As presions europeyas y internas acotolan a resistencia de Papandreu

O nuevo gubierno encetará as reformas y convocará eleccions en o mes de febrero

A la fin Yorgos Papandreu ha dixau o cargo de primer ministro griego y o pais tendrá un gubierno d’unidat nacional ta encetar as nuevas reformas que habrán de fer ta recibir o segundo paquete d’aduyas.

Dimpués de pasar a moción de confitanza o pasau viernes, Papandreu ufrió a la oposición a posibilidat de creyar un nuevo gubierno mientres os venients meses, dica que una vegada feitas as reformas se convoquen eleccions, as qualas seran a partir d’o mes de febrero de 2012.

Encara no se sabe o nombre d’o nuevo primer ministro d’o país y se charra de bell independient vinculau más que más en politicas economicas.

Ta os ciudadans o nuevo gubierno no suposa garra cambeo porque nomás s’habrá de limitar a de aplicar as reformas alcordadas con as institucions europeayas ta poder recibir o segundo plan d’aduya.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.