As tropas d’Estatos Unitos saldrán de Irak antis de cabo d’anyo

A la fin no quedarán entrenadors ta las tropas iraquis como s'heba dito, en no plegar a alcuerdos con o gubierno d'o pais

Obama fendo l'anuncio d'a salida d'as tropas d'Irak

Obama fendo l'anuncio d'a salida d'as tropas d'Irak

Ueito anyos y nueu meses dimpués que invadió Irak, Estados Unidos meterá fin a una campanya en a quala murioron 4.500 d’os suyos soldaus, 31.000 sufrioron feridas y o suyo gasto de guerra superó os 800.000 millons de dolars.

“Puedo dicir que, seguntes lo prometiu, a resta d’as nuestras tropas en Irak tornarán a casa ta fins d’anyo”, dició o president Barack Obama. L’anuncio se produce dimpués d’una conversación telefonica con o primer ministro iraquí, Nuri al-Maliki. Obama sinyaló que totz dos estioron completament d’alcuerdo y que EEUU y Irak seguirán abanzando en a suya relación como dos nacions soberanas.

Seguntes meyos locals, as conversacions entre Washington y Bagdad ta mantener qualques tropas en o país fracasoron por a reticencia d’o gubierno iraquí a guarenciar a inmunidat a os soldaus que remanirían en o país dimpués d’aviento, una demanda clave ta que Washington mantenese as suyas tropas allí dimpués d’a calendata de retirada establida.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.