As dos unicas clinicas acreditadas deixarán de fer abortos t’a sanidat publica

Dicen fer-lo por qüestions economicas. O gubierno les debe 800.000 euros

A clinica ACTUR ye una d'as acreditadas ta practicar abortos
A clinica ACTUR ye una d’as acreditadas ta practicar abortos

As dos clinicas autorizadas en Aragón ta practicar interrupcions voluntarias de l’embarazo han anunciau a suya intención de deixar de fer ista mena d’intervencions t’o Servicio Aragonés de Salut. A razón, seguntes as clinicas, ye a deuda que tien l’administración con ellas, que en Aragón ye de 800.000 euros.

L’Asociación de Clinicas Acreditadas para la Interrupción del Embarazo (ACAI), ha declarau que, a tamás de haber amostrau a suya disposición ta plegar en un alcuerdo con o gubierno, iste ye estau incapable en quasi dos anyadas de fer un plan de pago. Antimás, en os presupuestos d’ista anyadas, tampoco no bi ha una partida ta pagar os 800.000 euros que debe o gubierno ta istas dos clinicas.

En Aragón bi ha bellas 2000 muller que abortan cada anyada. Dende o 3 de mayo, ista intervención deixará d’estar de baldes, encara que as clinicas continarán informando a qui se i amane y facilitando totz os papels ta demandar a lo gubierno que pague a operación.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.