As visitas a la ‘Chaca Meyeval’ centran l’achenda cultural chacetana t’a semana venient

A traviés d'un recorriu de dos horas, os asistents a la cita pueden descubrir os secretros que amagan os cantons mas historicos d'a ciudat altoaragonesa

S’amana o puent d’o Pilar, una festividat d’especial relevancia t’os aragoneses, y con ell a posibilidat de fer decenas d’actividatz tanto en a capital d’a fiesta -Zaragoza- como en a resta d’a comunidat. Ye o caso de Chaca, que a semana venient ofreixe una achenda cargada de novedatz y actos culturals, clamaus a conquerir a totz os miembros d’a familia.

De l’elenco d’actividatz destaca o recorriu por a ‘Chaca Meyeval’, una ocasión unica ta descubrir totz os entresillos d’a ciudat altoaragonesa. Previa inscripción en o Museu Diocesano, os asistents tienen a oportunidat de desfrutar d’un recorriu de dos horas -fixau t’os sabados- que incluye visitas a la Seu, a la colección romanica d’o Museu Diocesano, a o Sarcofago de Donya Sancha, a o Concello u a conoixida Torre d’o Reloch.

O venient sabado día 6 tamién i habrá espacio t’os ninos con a celebración d’as Chornadas d’Animación a la lectura ‘Lococuentos’, que se ferá en a localidat d’Ara a las 12 d’o maitín. Gracias a la companyía Tranquilemond, os mas chicotz d’a casa -y os que no’n son tanto- podrán pasar unas horas de machia que, qui sabe, pueden rematar con una adicción a la lectura. Ta iste mesmo día, o Palacio de Congresos aculle o espectaclo ‘Las Mujeres Sabihondas’, una exquisita satira de Molière en a quala l’autor critica a bambosos literatos d’a suya epoca y a hiprocesía d’o suyo tiempo.

Amás, mientres tot o cabo de semana, os amants d’os trens tienen una cita con a IX Trobada Nacional de Maquetas de Trens (CTMS), que se celebra en o Centro Cultural La Paz con dentrada libre. Un cabo de semana que se puede zarrar dencima d’a bici participando en a salida cicloturista ‘El Pilar’, compuesta de 54 kilometros, que prencipiará a las 10 d’o maitín en l’Avenida de Francia d’a man d’o Club Ciclista Mayencos.

De cara a la semana venient, l’achenda cultural en a ciudat chacetana deixa dos citas de relevancia. Por un costau, o visionau d’a cinta ‘Un lugar en el sol’, correspondient a o ciclo Montgomery Clift; a cita: a las 19:30 h d’o martes día 9 en as instalacions d’a biblioteca municipal. Espacio iste zaguer a on o mierques s’ha fixau a celebración d’os Tallers d’Animación a la Lectura, un evento destinau a ninos de 3 a 9 anyos, a on o suyo resposanble, Laura Armario, prebará de ficar o ‘gusanillo’ d’a lectura dende edatz bien tempranas.

Fuent: http://www.aragon2.com/n-20297-705-visitas_Jaca_Medieval_centran_agenda_cultural_jacetana_para_proxima_semana

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.