ASAJA presenta o suyo prochecto de biomasa

A presentación se ferá en a Feria de Maquinaria Agricola de Balbastro

logoA organización ASAJA (Asociación Agraria de Chovens Agricultors), qui participan dende fa quasi trenta anyadas en a Feria de Maquinaria Agricola de Balbastro ha decidiu de presentar-ie o suyo prochecto de Biomasa “una enerchía muito vinclada a lo sector agrario, limpia y rendible sin subvención y que antimás puet aduyar en problemas como a ordenación d’a masa forestal d’a provincia y a luita contra os incendios aprofeitando a riqueza que tien l’Alto Aragón”, como ha sinyalau o suyo secretario chenral Ángel Samper.

A FERMA se celebrará iste cabo de semana en a Institución Ferial de Balbastro. O viernes, dende as 20:00 o inchenier industrial Joan Jordi Jané presentará o prochecto de biomasa, y charrará sobre l’emplego de sozproductos de l’almendrera y as oliveras en a producción d’enerchía, que mena de calderas existen y que caracteristicas tienen, a ordenación de masas forestals ta fer servir os suyos recursos en a biomasa… 

 Seguntes Ángel Samper “l’apuesta de ASAJA por ista enerchía ye muito esclatera y fuerte; os pres actual y futuros d’os combustibles fosils fan que a biomasa pueda estar una alternativa muito util en o sector agroganadero y agroindustrial. Pensamos en o nuestro territorio y en as suyas caracteristicas y viyemos que bi ha muitas posibilidatz por os recursos que’n disposamos”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.