ASAJA Uesca organiza o ‘bus d’a sequera’

ASAJA Uesca organiza iste chueves, 15 de marzo, o “Bus d'a sequera” que recorrerá diferents puntos d'a provincia de Uesca, ta amostrar a representants politicos y meyos de comunicación, os efectos y danyos d'a sequera que padeixe a provincia.

Modesto Lobón, consellero d'Agricultura, y Miguel Arias Cañete, ministro d'Agricultura d'o Gubierno d'Espanya, charrando d'a sequera. (Foto: Aragon_hoy)

A salida será dende o Palacio de Congresos de Uesca, a las 11,00 h y ye previsto que torne a las 14,30 h.

A comitiva será encabezada por o consellero d’Agricultura, Ganadería y Meyo Ambient d’o Gubierno d’Aragón, Modesto Lobón; con ell, han confirmau a suya asistencia, entre atros, a subdelegada d’o Gubierno en Uesca, Teresa Lacruz; o delegau territorial d’a DChA, José Luis Moret; o president d’a DPH, Antonio Cosculluela, l’alcaldesa de Uesca, Ana Alós; o deputau provincial, Luis Felipe; o director Provincial d’Agricultura, Fernando Fidalgo; o director de l’Instituto Aragonés de l’Augua, Alfredo Cajal; o president de Ceos-Cepyme, Fernando Callizo; o d’a Camera Agraria Provincial , Valero Casasnovas ; o director cheneral de Producción Agraria, Jesús Nogués, u o president d’as Lonxas d’Espanya, Joaquín Salvo.

O recorriu d’iste “ Bus d’a Sequera” pretende amostrar os aspectos mas relevants d’a grieu situación que esnavesamos, y se centrará en a situación devastada d’os campos de secano (se visitara un campo de cereal de secano), l’ausencia de pastos y as suyas afeccions a las ganaderías (visita a explotación ganadera), explotacions con regadíos modernizaus que no podrán encarar as amortizacions (visita a explotación de regano),  as zonas roceras, sin augua ta sembrar (visita a campo de roz),  l’ausencia de reservas d’os entibos d’a provincia, (visita a un entibo).

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.