ASAJA y interpresarios podrían demandar que a provincia de Uesca se declare zona catastrofica

Prencipian una campanya ta fer-lo si no pleve en diez diyas

Rueda de prensaRepresentants de ASAJA y de CEOS CEPYME, Agrupación d’interpresarios uescanos, facioron ahiere un clamamiento a la alerta, debiu a la situación que ha creyau l’orache en a provincia de Uesca cuanto a lo sector primario. A situación de graniza sequera fería que, si en diez u quince diyas no pleve, istas organizacions prencipiasen una campanya ta fer que os concellos d’a provincia y a Diputación Provincial de Uesca demandasen a lo gubierno espanyol a ‘declaración de zona catastrofica’.

Seguntes o sindicato, de continar asinas l’orache podrían perder-se bells 2000 puestos de treballo dreitament y dica seis mil más de traza indirecta. Encara que l’orache cambiase un 40 u 50 % d’o secano d’a provincia ya ye malmeso de tot. Tamién alertan de que bell producto podría estar de dificil trobar.

ASAJA quiere que as institucions, y de traza especial a las consellerías d’industria, presidencia y agricultura s’embrequen en iste problema ya que bi ha cientos de millons  y la economía de miles de familias en chuego.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.