Asesinau en Curaçao un lider independentista

Matan a tiros a Helmin Wiels, y o suyo partiu i viye motivacions politicas.

Helmin Wiels (Foto: Curaçao Chronicle)

Helmin Wiels (Foto: Curaçao Chronicle)

O lider d’o partiu Pueblo Soberano (PS) de Curaçao, Helmin Wiels, estió asesinau iste domingo seguntes informan os meyos locals. A Wiels, una d’as figuras más importants de l’independentismo de cuchas en Curaçao, le fotioron tiro quan se feba una biera en una placha. As autoridatz de Curaçao han condenau l’asesinato y han dito que se investigará fundament o caso.

O president d’o PS, Donald Balentina, ha dito a AP que l’ataque ye motivau por razons politicas. Balentina ha remerau que Wiels s’heba expresau de traza esclatera contra la corrupción existent en a isla mientres os zaguers diyas, y concretament heba acusau a una important companyía de telecomunicacions, UTS, d’estar embrecada en negocios ilegals. L’asesinato, de feito, ha causau sorpresa en una isla a on que no bi ha garra conflicto politico violento.

Wiels heba encapezau a candidatura d’o PS que, en l’octobre pasau, ganó as eleccions en o Parlamento d’a isla. Curaáo es, dende 2010, un país independient de l’estau d’os Países BAixos, pero no pas d’o Reino d’os Países Baixos (federación que’n fan parti l’estau d’os Países Baixos y atros dos estaus caribenyos: Aruba y Sint Maarten), qui en controla a esfensa, a politica exterior y supervisa a economía. O PS quier que Curaçao tamién se’n vaiga d’o Reino d’os Países Baixos y acceda a la independencia total.

 

Fuent: http://www.nationalia.cat/ca/noticies/1437

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.