Asturias demandará ista tardi a oficialidat d’a suya luenga

A marcha saldrá a las 19.30 h. d'a Gara d'o Norte d'Oviedo.

Llucía Menéndez y Carlos Pulgar, representants d'a Xunta Moza y Xunta pola Defensa de la Llingua Asturiana, respectivament, convocón a toda la sociedat a participar en a movilización. (Foto: Les Noticies)

A Xunta pola Defensa de la Llingua Asturiana (XDLA) presentó ahiere a ‘Manifestación pola Oficialidá’, una marcha que va a salir hué, viernes 4 de mayo, Día d’as Letras Asturianas, a las 19.30 horas d’a Gara d’o Norte d’Oviedo.

Como totz os anyos, celebración y revindicación van a ir d’a man. «En un periodo de caos politico, con dos contiendas electorals en un anyo y a consiguient paralisis administrativa, ye l’inte ta exichir a la clase dirichent asturiana que supere a suya incompetencia y innorancia habituada, superando tamien o suyo descredito con altura de miras, satisfendo a reclamación d’a oficialidat », explicón os representants d’a XDLA. D’atra man, destacón a sentencia d’o Tribunal Supremo que da la razón a o Tribunal Superior de  Chusticia d’Asturias anulando a ratio minima exichida ta dar asturiano en Secundaria: «Asperamos que iste abance siga un punto d’inflexión en a situación d’a luenga en o sistema educativo».

A Manifestación por a Oficialidat ye una cita que se viene fendo dende 1987, quan a XDLA convocó una concentración mientras a Chunta Cheneral o Día d’as Letras Asturianas que remató en una marcha improvisada por a cantidat de chent que bi acudió. Dende alavez, totz os anyos a organización civica vien planificando una manifestación ta remerar una d’as asignaturas pendients t’a sociedat asturiana, o que, en parolas d’os representants d’a XDLA, ye «un d’os deficits democraticos más importants d’a historia contemporanea d’Asturias»: a falta de reconoiximiento oficial de dreitos lingüisticos t’una parti d’a población que contina sin tener-los. Por ixo, demandón que iste Día de les Lletres «todas as personas argüellosas de perteneixer a o movimiento de revindicación lingüistica y todas aquellas que aprecien a dignidat y l’esdevenidero de l’idioma» acudan a manifestar-se.

Fuent: http://www.lesnoticies.com/lesnoticies/noticies/xdla-llama-manifestase-esti-vienres-mayu-dia-les-lletres-asturianes/9592

Una rispuesta a Asturias demandará ista tardi a oficialidat d’a suya luenga

  1. tres de copas

    Entadeban con l’Asturiano!!

Responder a tres de copas Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.