Atland y Mercury Rex, semifinalistas d’o Metal Battle Spain

Podrían participiar en o Wacken Open Air d'Alemanya

Cartel d'o Metal BattleDos collas aragonesas, Atland y Mercury Rex, son estadas trigadas ta participar, chunto con atras vintidos collas más en as semifinals d’o concurso Metal Battle Spain. A colla ganadera d’o concurso tanyerá en o prestichioso festival aleman Wacken Open Air y sinyará un achuste discografico con Nuclear Blast con qui han grabau collas como Manowar, Blind Guardian, Clawfinger u Nightwish.

Ya s’ha confirmau a calendata de l’actuación de Atland en ista fase, que será o venient 14 d’abril en a sala Zac de Barcelona, chunto as collas An Endless path (Las Palmas), Menzia (Barcelona), Ravenblood (Barcelona), Setge (Barcelona) y Steel Puppets (Vizcaya). A colla ye organizando un autobus dende Zaragoza ta que os fans suyos puedan ir t’o concierto.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.