Atro tierratremo en o norte d’Italia ha deixau a lo menos diez muertos

Ha estau d'una magnitut de 5,8 graus seguntes a escala de Richter, con l'epicentro t'o norte de Bolonia.

Atro seísmo ha tornau a sobatir tot o norte d’Italia. O tierratremo ha ocurriu a las nueu d’o maitín y ha estau de 5,8 graus seguntes a escala de Richter. Por agora as achencias de prensa italianas fablan de a lo menos una decena de muertos y de bells edificios espaldaus, mas que mas os que yeran afectaus por o tierratremo de fa bells diyas. L’alcalde de San Flis (San Felice sul Panaro), Alberto Silvestri, ha dito que diversas personas han muerto en fundir-se una fabrica.

Os medios italianos han informau que os bombers buscan a personas que permaneixen atrapadas aintro d’as espaldaduras en San Flis y Mirandola.

L’epicentro ye situau unatra vegada en Finale Emilia, aintro d’a provincia de Modena, 40 kilometros t’o norte-ueste de Bolonia, y 60 km a l’este de Parma. En Bolonia a población ha estau desaloixada de numerosos edificios publicos.

Fuent: http://www.jornalet.com/nova/303/un-autre-terratrem-al-nord-ditalia-fa-almens-uech-morts

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.