Ature indefiniu en a Carrera de Filosofía d’a Universidat de Zaragoza

Continan as protestas contras as retalladas en a universidat.

Imachen d'a vada d'amostranza (Foto: El Ventano)
Imachen d’a vada d’amostranza (Foto: El Ventano)

L’Asambleya de Filosofía, a on que bi ha d’alumnalla y de personal docent de graus y masters d’a carrera de Filosofía, ha decidiu fer dende ahiere un ature indefiniu d’as clases ta ‘expresar o suyo refús debant d’as actuals midas presas por o gubierno en materia d’amostranza’.

Mientres o tiempo que se prolargue a iniciativa se desembolcarán actividatz alternativas y accions de luita. Dende l’Asambleya de Filosofía fan ‘un clamamiento t’a resta d’a comunidat universitaria ta que se una a ista proposa’.

Asinas mesmo, informan de que a venient asambleya cheneral ye estada convocada ta o viernes 25 a las 18:30 en o hall d’a Facultat de Filosofía y Letras d’a Universidat de Zaragoza.

A Facultat de Filosofía y Letras d’a Universidat de Zaragoza estió ocupada o pasau martes 22, diya d’a vada d’amostranza en Aragón, ‘como meyo t’a realización y visibilización de accions alternativas’, como a propia Asambleya sinyaló en un comunicau.

Fuent: http://arainfo.org/2012/05/paro-indefinido-en-la-carrera-de-filosofia-de-la-universidad-de-zaragoza/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.