Ature total en a mineria d’o baixo Aragón

Amostranza y mineria d'a man (Foto: @javilizaga)

Amostranza y mineria d'a man (Foto: @javilizaga)

Primera chornada de vada en a mineria aragonesa. Ye a primer movilización d’as quatro que son convocadas y que continarán maitín y miercols y chueves d’a semana venient. Os mineros d’as cuencas, chunto con os mineros de tot l’estau espanyol, denuncian o retalle d’un 63% en os presupuestos de l’estau. Seguntes os sindicatos mineros, isto suposará o trancamient de minas y a despoblación d’as redoladas mineras.

Hue as minas d’as cuencas han amaneixiu trancadas de raso, y en bellas d’ellas no han acudiu ni os directivos d’as interpresas. A la concentración d’iste maitín, que han refirmau tamién os sindicatos d’amostranza, s’adhibe una concentración ta parar nuevas aiccions en Andorra y movilizacions maitín que se presuposan más cerenyas y que rematarán con una concentración a las 7 d’a tardi. Entre as reivindicacions d’os mineros, que o carbón siga parti d’a reserva estratechica y o mantenimiento d’os 700 emplegos directos y más de 2000 indirectos en as redoladas mineras d’o baixo Aragón y a Cinca Baixa.

Dende o gubierno, o conseller Arturo Aliaga ha mostrau o suyo refirme a las movilizacions d’os mineros y se trobará con sindicatos y interpresas ta estudear as consecuencias d’os retalles de l’aduya a la minería dende o gubierno espanyol.

Parando as movilizacions de maitín (Foto: @javilizaga)

Parando as movilizacions de maitín (Foto: @javilizaga)

3 Rispuestas a Ature total en a mineria d’o baixo Aragón

  1. Ta atra vegada no amostrez a matricula de l’auto….

  2. Pingback: Intensa chornada de luita d’a mineria aragonesa, con talles de carretera y concentración en Andorra | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.