AUZSA lanza un ultimatum a la plantilla d’o transporte urbano de Zaragoza

AUZSA considera a proposa d'o Comité d'Interpresa de "poco rigor y luen d'a realidat" y fa a suya zaguera ufierta

Foto: ffuentes (CC-BY)

Foto: ffuentes (CC-BY)

Javier Anadón, en a suya calidat de president d’o Comité d’Interpresa d’Autobuses Urbanos de Zaragoza, fa publico que en a reunión celebrada en o día d’ahiere con a Dirección d’a interpresa, ista ha valurau a proposa feita por o comité con un documento, que s’entregó por parte d’o comité, de falta de rigor y muit luen d’a realidat.

As horas extras, as horas de formación previstas en o Estatuto d’os Treballadors y o porcentache d’absentismo son os elementos, seguntes a interpresa, discordants, si bien ixos datos son extraitos d’a documentación facilitada por a interpresa en pasadas reunions.

En a tarde d’ahiere o Comité d’Interpresa entregó a la Dirección un nuevo documento, en o qual fendo una nueva revisión d’as cifras, se planteyaba un nuevo achuste que daba una cifra de 54 conductors. O Comité de nuevas ha insistiu en negociar l’incentivo pa las posibles baixas voluntarias, porque “entendemos que ye un elemento fundamental pa animar a os treballadors que tiengan a voluntat d’abandonar a interpresa, y asinas poder charrar de cifras con certeza d’a realidat. A interpresa ha feito caso omiso a ista nueva proposa, ye mas, ni la ha mirada, y ha planteyau, seguntes as suyas parolas, a zaguera ufierta y que reduce os despius de 212 a 130. Mantiene, siempre que i haiga alcuerdo, a recolocación en un plazo de 5 anyos, y no quiere charrar de brenca mas”.

“Entendemos que o periodo de consultas no ha rematau dica o día 17, y con ista actitut de dar un ultimatum, no se contrimuestra que a poca voluntat d’arribar a un alcuerdo por parte d’a interpresa, l’unico que se pretende ye imposar o suyo criterio”, concluye Anadón.

Fuent: http://arainfo.org/2013/08/auzsa-lanza-un-ultimatum-a-la-plantilla-del-transporte-urbano-de-zaragoza/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.