AUZSA y o Comité d’interpresa sinyan un prealcuerdo ta rematar a vaga

A plantilla votará en referendum iste mierque si accepta u no pas o nuevo convenio colectivo

IMG-20160426-WA0003

Foto: Cherardo Callejón

En a nueit d’o lunes t’o martes, y dimpués de quantas horas de negociación, o Comité d’interpresa y AUZSA plegoron en un prencipio d’alcuerdo que metería fin a lo conflicto d’o bus urbano zaragozano. L’alcuerdo s’habrá de ratificar en un referendum d’a plantilla que se ferá iste mierques.

En caso d’aprebar-se remataría asinas una serie de atures parcials que prencipioron o pasau mes d’aviento y que heban continau dica fa dos semanas, quan s’alcordó deixar temporalment a vaga ta intensificar a negociación. Dica la votación, o servicio urbano d’autobús continará funcionando con normalidat.

O conflicto remataría con un nuevo convenio colectivo a on que se replega beluna d’as reivindicacions d’a plantilla d’autobuses, como una puyada de chornal progresiva dica o 4% en 2019, un mayor porcentache de treballadors que pasarán a estar fixos, u nuevas midas t’a conciliación d’a vida familiar y laboral.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.