Azoque nadalenco contra o Cancer

Remanirá en a Plaza d'os Sitios de Zaragoza dica o 11 d'aviento

A presidenta en a debantadera d'o mercau (Foto: Gubierno d'Aragón)

A presidenta en a debantadera d'o mercau (Foto: Gubierno d'Aragón)

Ahiere se fació a debantadera d’o ya tradicional azoque nadalenco contra o Cancer que se mete todas as anyadas en a Plaza d’os Sitios de Zaragoza. Ista anyada ye a suya decena edición. En a debantadera i participoron a presidenta d’o gubierno Luisa Fernanda Rudi y a concellera de Acción Social, Carmen Dueso.

Iste azoque ye organizau por l’Asociación Espanyola Contra o Cancer y remanirá en a plaza dica o venient diya 11. O mercau ubre de 11:00 a 14:00 y de 17:00 a 21:00. Tot l’esquilmen que se i consiga se destinará ta fundos d’investigación arredol d’ista malotía.

A más gran parti d’os puestos son endrezaus ent’as fiestas nadalencas como os de adornos de nadal u belens, pero tamién se i pueden trobar lamins, ropa, u libros a muito buen pre y por una causa solidaria.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.