Balbastro aculle o taller “Vinyetas ta Palestina”

O taller ye aintro d'una serie d'actividatz que preban d'amanar a realidat palestina a los más chovens.

cartelAintro d’a exposición “Sobrevivir en tiempos de conflicto en o Territorio Ocupau de Palestina”, iste miercols, a Biblioteca Municipal de Balbastro acullirá o taller practico ta chovens “Vinyetas palestinas”, que menará o ilustrador aragonés Gonzalo Royo. O taller, que ye organizau por l’Asociación de dibuixants de comics d’Aragón “Themozero”, se ferá o miercols dende as 10:30 dica las 13:30. Se i amostrará como fer as marguins d’as fuellas, como distribuyir as vinyetas u as trazas de componer as historias.

A exposición se puede continar visitando en a Casa de Cultura d’o lugar dica lo 25 de chulio y ye organizada por a organización humanitaria internacional Acción contra la Fambre. Tien ueito panels informativos a on que s’explican beluns d’os entrepuces que han de concarar os palestins t’o suyo desembolique. Tamién bi ha comics pedagochicos feitos por Pere Mejan y endrezaus t’os adolescents.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.