Barack Obama: “No ye luita de clases, son matematicas”

Obama quiere recabdar 1000 millons de dolars con impuestos que os mas ricos agora no bosan, dende l'anterior president Bush

Obama con os suyos asesors (Foto: whitehouse.gov)

Obama con os suyos asesors (Foto: whitehouse.gov)

O president d’os Estatos Unitos, Barack Obama, ha feito saber huei o suyo plan ta no esviellar as retalladas d’impuestos ta las rentas más alteras y as interpresas que aprebó l’antigo president d’os EEUU, George W. Bush. Iste plan, que tien la oposicion d’os republicans (mayoria en o Congreso), planteya estalviar a l’estau mas de mil millons de dolars.

Obama, en o que os analistas intepretan como una chugada electoral, ha dito que no ye una custión de “luita de clases, sino de matematicas”, y ha esplanicau que ta fer más cerenya a economia a colaboración de totz, ricos y interpresas incluyitas, ye important.

En parolas d’Obama “no ye chusto que o secretario de Warren Buffet bose mas impuestos que Warren Buffet”. Estió o propio interpresaire, Buffet, qui demandó bosar más impuestos t’aduyar a la economía d’o pais. Sin dembargo, as midas planteyadas por Obama son prou dificils d’aplicar, más que más, porque a oposición republicana viedará en o Congreso, an que tiene mayoría, a suya aprebación.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.