Barroso revela que habió de presionar a Rajoy ta que acceptase o rescate

O president espanyol presumió o domingo d'haber presionau ta que concedesen l'ampre.

O president d’a Comisión Europea, José Manuel Durao Barroso, ha asegurau hue que estió ell quí convenció a o president d’o gubierno espanyol, Mariano Rajoy, ta que demandase a la UE un rescate de dica 100.000 millons d’euros t’a banca. A la contra d’o que dició Rajoy o domingo, presumindo d’haber estau ell quí presionó, Barroso ha recordau que o president espanyol yera reticent a o rescate.

‘A nuestra posición en a Comisión yera, ya quan charré con ell a semana pasada, que un programa (de rescate) feba falta y que intresaba tanto en Espanya como en a eurozona prener una decisión’, ha declarau Barroso en una entrevista a o diario britanico Financial Times.

Rajoy negó que s’hese visto presionau por atros países europeus ta sozmeter a Espanya a un rescate financiero. ‘A yo dengún no m’ha presionau, o que he presionau he estau yo porque quereba una linia de credito’, ha apostillau.

Favorable a una unión bancaria

En a entrevista, Barroso ha esfendiu l’encete en a UE dende l’anyo venient d’una unión bancaria en que as grans entidatz queden suchetas a un supervisor europeu unico. O plan incluye tamién un sistema europeu de guarancia de depositos y un fondo de liquidación prefinanciau por a banca ta chestionar quiebras.

Fuent: http://www.vilaweb.cat/noticia/4019463/20120612/barroso-revela-haver-pressionar-rajoy-acceptes-rescat.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.