Baumgartner trenca a barrera d’o soniu

Aconsigue fer o blinco estratosferico dende mas de 39.000 metres

L’austriaco Felix Baumgartner superó o fito que s’heba proposau: bater o record de blinco en altura, deixando-se cayer dende mas de 39.000 metros, y trencar a barrera d’o soniu sin garra mena d’emparo mecanico, cosa nunca no aconseguida antes.

O martes ya habió d’anular l’intento, dimpués de qualques aplazamientos temporals mientres toda a tarde, pero ahiere as condicions meteorolochicas y a falta d’aire fuerte permitioron que Baumgartner fe-se bueno o suyo proposito.

Antes de no blincar se’n fue volando en globo dica a estratosfera terrestre dentro d’una capsula presurizada de 1.315 kilos y s’aventó en cayida libre dende 39.000 metros: aconsiguió una velocidat de cayida de mas de mil kilometros-hora y trencó a barrera d’o soniu.

O blincador, de quaranta y tres anyos, ya estió, en 2003, o primer en esnavesar a Manga equipau con una ala de fibra de carbono, tamién en un blinco en cayida libre.

Baumgartner s’heba presto mientres muitos anyos con a ideya de superar las marcas establidas por o coronel norteamericano Joe Kittinger fa meyo sieglo.

A preba tamién ha feito honra ta soministrar datos scientificos con vista a amillorar a seguranza d’os viaches espacials y a desembolicar procedimientos de fuga d’una nau espacial a gran altura.

Blinco visto dende a estratosfera

Blinco visto dende o casco

Fuent: http://www.vilaweb.cat/noticia/4047220/20121015/video-baumgartner-trenca-barrera-so.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.