Becerril presenta a suya dimisión

L'ex-coordinador d'a colla municipal d'o PSOE de Zaragoza dimite dimpués d'estar imputau por dos delitos.

Antonio Becerril (Foto: Diegonavarro.org)

Antonio Becerril (Foto: Diegonavarro.org)

Antonio Becerril, ex conceller de Zaragoza y dica fa poco coordinador d’a colla municipal d’o PSOE ha presentau a suya dimisión dimpués d’estar acusau de delitos de blanqueyo de diners. O vicealcalde Fernando Gimeno ha agradeixiu a suya dimisión ta que no perchudicase asinas a lo PSOE en a campanya electoral.

A policía ya dentró en casa de Becerril ahiere, mirando de trobar diners en efectivo, documentación y cuentas de banco en o estranchero. As suyas sospeitas prencipioron quan viyoron ingresos no chustificaus en a cuenta d’a colla socialista de Garrapinillos que ell ye l’apoderau. En primeras quedó en libertat, habendo trobau nomas 200 euros en metalico, pero horas dimpués le’n ha imputau dos nuevos delitos.

Istas acusacions se suman a las que teneba d’antimas por revelar secretos y trafico d’influyencias que teneba de a “Operación Molinos” que reveló toda a trama de corrupción d’A Muela.

L’alcalde, Juan Alberto Belloch aspera que a chusticia dicte sentencia antis con antis ta que se contrimuestre a suya inocencia. Eloy Suárez, conceller d’o PP y candidato t’o congreso espanyol ha demandau explicacions a Belloch sobre o nobramiento de Becerril sabendo que iste yera acusau dende fa tres anyadas.  Tant y mientres CHA y IU creyen que a decisión de dimitir ye correcta y demandan tamién que a chusticia actue de camín ta que no interfiera guaire con a pulitica municipal.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.