Belloch enamplará o gubierno en bells meses

Lo ferá independientement de que i dentren CHA u IU

Juan Alberto Belloch (Foto: Rodrigo Sepúlveda)

Juan Alberto Belloch (Foto: Rodrigo Sepúlveda)

L’alcalde de Zaragoza, Juan Alberto Belloch ha dito, en declaracions a Cadena SER Aragón, que enamplará o gubierno d’a ciudat en os venients meses. O que bi ha agora meses ye ‘masiau chicorrón’ porque pensaba de ‘que bi hese un conseller de CHA y un atro de IU’, ha adhibiu.

Belloch, d’o PSOE, gubierna dimpués de as zaguers eleccions municipals, gracias a o refirme d’istos dos partius puliticos que, manimenos, no han dentrau en o gubierno. Ista enampladura d’o gubierno se ferá con u sin consellers de CHA u IU y s’asperará a que os tres partius haigan feito os suyos propios congresos. Os tres, PSOE, CHA y IU, los ferán en bells pocos meses.

O gubierno actual ye formau por Juan Alberto Belloch, Fernando Gimeno, Carlos Pérez Anadón, Carmen Dueso y Jerónimo Blasco, totz d’o PSOE.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.