Belloch reforma o gubierno d’o Concello de Zaragoza

Belloch ixampla o gubierno zaragozano con dos nuevas consellerías dimpués de diez meses de mandato.

Lola Ranera en o centro. Foto: Zaragoza Turismo

L’alcalde de Zaragoza, Juan Alberto Belloch, dio a conoixer ahiere a reforma d’o suyo gubierno municipal dimpués de diez meses. Por agora ni CHA ni IU, que aduyoron a Belloch a consiguir l’alcaldía, han quiesto dentrar en o mesmo.

Lola Ranera será la nueva consellera de Participación Ciudadana y continará fendo-se cargo tamién de Rechimen Interior. Roberto Fernández por a suya parti, se ferá cargo d’Acción Social, mantenendo-se tamién en Esportes. Eduardo Bandrés, exconsellero d’Economía d’o Gubierno d’Aragón y expresident d’o Reyal Zaragoza no ha quiesto dentrar en o gubierno municipal. A resta de consellerías continarán como dica agora. Belloch ha quiesto fer cambeos en o gubierno “a coste cero”.

Ta Belloch, agora cal centrar-se en as personas, por o que ha ixamplau o gubierno, dimpués de centrar-se dica agora en afers economicos ta dar mas peso a las consellerías d’Acción Social y Participación Ciudadana. Amás, se planteya una reorganización en a estructura organica d’o Concello, reducindo-se en un 20 % os cargos directivos, pasando de 105 a 83 ta consiguir una mayor eficiencia en os servicios municipals. Ista reorganización se conoixerá o venient chueves 19.

L’alcalde, asinas mesmo, ha precisau que contina querendo contar con CHA y IU, asinas como consiguir acuerdos en os grans afers d’a ciudat con o PP.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.