Belloch sera o primer d’a lista t’o Senau espanyol por Zaragoza

Morlán y Becana serán os primers d'as listas d'o PSOE en Uesca y Guillén y Arrufat en Teruel

Juan Alberto Belloch , en un acto electoral (FOTO: Jorge Bernal)

Juan Alberto Belloch , en un acto electoral (FOTO: Jorge Bernal)

O PSOE aragones ha trancau ya as suyas listas t’o Congreso y Senau espanyols. O nombre que mas truca o ficacio ye o de l’actual alcalde de Zaragoza, Juan Alberto Belloch, que estara lo numero 1 ta o Senau por Zaragoza. Ista situacion de salida ha feito creixer as rumors sobre a salida de Belloch d’o concello zaragozano, como da por feito Heraldo d’Aragón. Sin dembargo, l’encara alcalde, ha dito que no tien garra intincion de dixar o concello d’a capital.

En as listas d’o Senau d’o PSOE por Zaragoza son tamién Victor Ruiz, ex-alcalde de Calatayud, y la ya senadora Pilar Pérez.

Pilar Alegría será a primera d’a lista d’o PSOE a lo Congreso por Zaragoza, y estará alcompanyada, dentre atras, por Susana Sumelzo, que agora ye senadora y l’ex-sindicalista Jesús Membrado.

En a circunscripción de Teruel o secretaire y vicesecretaire provincial d’o PSOE, Vicente Guillén y Antonio Arrufat, estarán qui vaigan en os puestos de salida ta o Congreso y o Senau, respectivament. L’actual Secretaire d’estau d’infrastructuras, Victor Morlán, optará a aconseguir puesto en o Congreso por a circunscripción de Uesca. Ta o Senau, o candidato socialista en l’Altoaragón estará José María Becana, naixiu de Fraga y que ya ye Senador.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.