Bells museus aragoneses, aintro d’o Google Art Project

200 obras de museus aragoneses se suman a iste prochecto

O museu Pablo Serrano ye un d'os centros incluyius

O museu Pablo Serrano ye un d’os centros incluyius

O Museu de Zaragoza, o IAACC Pablo Serrano, o Museu de Uesca y o Museu Juan Cabré, fan parte, dende ista semana d’o prochecto Google Art (http://www.google.com/culturalinstitute/project/art-project). Istos quatre centros que chestiona o Gubierno d’Aragón alportan a ista aplicación más de 200 obras d’arte trigadas d’as suyas coleccions y que l’usuario podrá conoixer a traviés d’ista plataforma web en gran resolución.

Google Art ye un prochecto a on que colaboran dica agora institucions de 40 estaus y que permite disfrutar de más de 40.000 obras d’arte con una calidat grafica prou buena, amanando a lo visitant detalles d’as piezas que por un regular quasi no se pueden viyer.

En ista fase piloto, lo departamento d’Educación y Cultura d’o Gubierno, ha adhibiu a ista aplicación meya centena de piezas de cadagún d’os museus. Ista cantidat irá puyando china chana ta fer conoixer o patrimonio que acullen istos museus.

Asinas, l’usuario podrá viyer en alta resolución os pincels de Goya d’as piezas d’o Museu de Zaragoza, os detalles d’a esculturas de Pablo Serrano (IAACC Pablo Serrano), as scenas biblicas d’o Monesterio de Sixena (Museu de Uesca) u a obra d’os orfebres ibericos d’o Museu Juan Cabré. A mesma aplicación da información relacionada con l’autor d’a pieza y d’a on vien, entre atros datos.

Antimás, as obras son vincladas con Ceres Aragón (http://www.ceres.aragon.es), a plataforma online a on que se replegan quasi 15.000 fichas de catalogo de 23 museus y coleccions aragonesas, permitindo a l’usueio conseguir información más completa.

Una rispuesta a Bells museus aragoneses, aintro d’o Google Art Project

  1. Pingback: Bells museus aragoneses aintro d’o Google Art Project | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.