Benás disfrutará con a VIII Carrera de San Silvestre

A carrera se reyalizará hue en a localidat ribagorzana a las 18.00.

Como se gosa fer dende fa ueito anyos, hue, 31 d’aviento, o Club d’Atletismo Meyo Maratón Val de Benás celebrará la Carrera de San Silvestre. A carrera ye popular y no competitiva, ubierta a participants dende os ueito anyos d’edat, albergando como unica condición tener ganas de despedir l’anyo correndo y divirtindo-se.

 

O recorriu d’a carrera discurrirá por as carreras d’a población con una lonchitut total d’entre quatre y cinco kilometros, y una duración arredol d’a meya hora. A organización ha convocau a totz os corredors a las 18.00 horas en o pavillón poliesportivo municipal, punto de salida y rematadura d’a carrera.

 

Ta participar no cal una preinscripción, ye prou con presentar-se en as instalacións municipals a la hora de l’encete. Dende l’asociación esportiva se demanda a os participants que porten cencerros y bi vaigan disfrazaus t’animar a carrera.

 

A pasada edición estión 132 os participants en a San Silvestre, y dende o Club d’Atletismo Meyo Maratón Val de Benás, s’aspera poder tornar a batir o récord de participants en ista ueitena edición. Siga qual siga la meteorolochía, a carrera se reyalizará. En pasadas edicións s’ha corriu baixo a nieu y a plevia, u sobre nieu, aigua y chelo. Se recomana a os corredors, ixo sí, que vistan ropa adecuada a las condicións meteorolochicas d’a tardi de hue.

 

Una vez rematada la carrera en o poliesportivo municipal o Club d’Atletismo Meyo Maratón Val de Benás convidará a totz os corredors a turrón, mazapán y a fer un brindis con cava ta despedir l’anyo.

Fuent: http://www.comarcas.es/index.php/mod.noticias/mem.detalle/idnoticia.6587/relcategoria./chk.94592567a27af0ab76cf6166ee3eac19.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.