Berga declara a Juan Carlos de Borbón ‘persona non grata’

A moción d'a CUP tamién demanda que se revoque l'alcuerdo que atorga a Franco a medalla d'oro d'a ciudat y o titol de fillo adoptivo.

O Concello de Berga ha aprebau declarar a o rei espanyol Juan Carlos de Borbón ‘persona non grata’. O pleno d’o consistorio ha debatiu una moción d’a CUP que tamién demanda que se revoque l’alcuerdo d’o 17 de chulio de 1962 que atorgaba a o dictador Francisco Franco o titol de Fillo Adoptivo d’a Ciudat y a Medalla d’Oro d’a Ciudat.

A moción s’ha aprebau con os unicos votos a favor d’a CUP y as abstencions de CiU y o PSC. O grupo municipal d’o PP i ha votau en contra, seguntes informa a CUP. A formación remarca que Juan Carlos no ye rei ‘como resultau d’un proceso democratico sino chusto a o contrario, como conseqüencia de l’herencio dictau por o suyo antecesor Francisco Franco’.

Cambeo de nombre d’a plaza Juan Carlos I de Barcelona

Paralelament, en Barcelona o pleno d’o districto de Gràcia tamién aprebó ahiere una propuesta d’ICV-EUiA en a que se demanda que se retire o nombre de Juan Carlos I a la plaza situada en a confluyencia d’o paseu de Gràcia con l’avenida Diagonal. Iniciativa quiere que a plaza se diga d’o Cinco d’Oros, nombre que teneba mientres a republica. A propuesta s’aprebó con os votos a favor d’o PSC y ICV y l’abstención de CiU y ERC. O PP i votó en contra. Agora a propuesta s’elevará a la ponencia de Nomenclatura de Barcelona.

Fuent: http://www.vilaweb.cat/noticia/4008285/20120503/berga-declara-juan-carlos-borbo-persona-non-grata.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.