Berlusconi, condenau a quatro anyos de prisión por fraude fiscal

Encara puede recurrir a sentencia a dos instancias mas ta enguiliar dentrar en a prisión

L’exprimer ministro italián Silvio Berlusconi ha estau condenau a quatro anyos de prisión por fraude fiscal en o clamau caso Mediaset por un chudgau de Milán. Se l’acusaba d’esvarre de diners, arredol de cincocientos millons d’euros, en a compra de films y programas de televisión entre os anyos 2001 y 2003. En pleno debat sobre a continuidat u no de Berlusconi en a vida politica italiana, o tribunal tamién le ha condenau a no poder ocupar garra cargo publico en os venients tres anyos y a pagar diez millons d’euros d’indemnización. Iste dossier d’a Repubblica reune y recupera en detal totz os pleitos de l’exprimer ministro con a chusticia.

Confalonieri, salvau; Agrama, condenau

O tribunal ha considerau prescriptos os presuntos delitos cometius en 2001, pero no aquells cometius o 2002 y o 2003. A sentencia ye mesmo mas dura que no a propuesta por o fiscal, que heba demandau tres anyos y ueito meses de prisión. S’ha absuelto, en cambeo, a o president de Mediaset y socio de Berlusconi, Fedele Confalonieri.

Qui sí que ha estau tamién condenau ye l’intermediario cinematografico de Mediaset, Frank Agrama, a qui a fiscalía de Milán definiba como ‘o socio amagau’ d’o Cavaliere en a compra y venda de dreitos televisivos y cinematograficos ta l’extranchero.

Una dotzena de procesos penals, ni un solo diya a la prisión

Berlusconi, manimenos, que ha estau vinclau a una dotzena de procesos chudicials penals en os zaguers trenta anyos, encara puede enguiliar u como minimo aplazar l’ingreso en prisión porque puede recurrir a sentencia a dos instancias mas. Historicament o Cavaliere ha aconseguiu siempre evitar a prisión. O caso mas sonau ye o d’a Lochia masonica P-2, por o qual estió condenau a prisión y posteriorment amnistiau. Antiparti, l’ex-primer ministro tien encara pendients atros procesos.

A noticia ha esdeveniu en portalada de totz os diarios italians. He aquí os prencipals titulars:

La Repubblica: Mediaset, Berlusconi condannato a 4 anni
interdetto per tre anni dai pubblici uffici
(en catalán)

Il Corriere della Sera: Frode fiscale, quattro anni a Berlusconi (en catalán)

La Stampa:  “Frode fiscale sui diritti tv Mediaset” Berlusconi condannato a quattro anni Scatta l’interdizione dai pubblici uffici (en catalán)

L’Unità: Mediaset, Berlusconi condannato a quattro anni (en catalán)

Fuent: http://www.vilaweb.cat/noticia/4050561/20121026/berlusconi-condemnat-quatre-anys-preso-frau-fiscal.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.